སྔོན་བསགས་ཀྱི་ལས།
བར་དོའི་རྣམ་ཤེས་ནི་ག་ས་གང་དུ་བུ་ཡུག་བཞིན་འཚུབ་འདུག་ཡོད་ཟེར། འོན་ཀྱང་བར་དོའི་རྣམ་ཤེས་གང་ཞིག་ཕ་མ་དེ་གཉིས་ཀྱི་ཕྲུ་གུར་སྐྱེ་བའི་ལས་ཡོད་མཁན་ཞིག་ཡིན་ན་མ་གཏོགས་མ་བུ་ཆགས་མི་ནུས་པ་རེད།
ཁ་མ་དང་བུ་ཕྲུག་གསུམ་གྱི་བར་ལ་འབྲེལ་བ་ཡོང་བ་ལ་ཁོ་ཚོར་སྔོན་གྱི་ལས་དགོས་པ་རེད།
ཀ་ཏ་ཡ་ནིས ཕ་ཤ་ཟ་ཞིང་མ་མཆུ་བརྡུངས་།། སྡང་བའི་དགྲ་བོ་པང་དུ་བླངས།།
ཆུང་མས་ཁྱོ་ཡི་རུས་པ་འཆའ།
ཞེས་སོགས་གསུངས་པ་བཞིན།
ང་ཚོ་ཕ་མ་དང་ཕྲུ་གུར་ཆགས་པ་དེ།
འབྲེལ་བ་ཡག་པོ་ཡོད་པ་འམ།
ཡང་ན་འབྲེལ་བ་བཟང་དྲག་ནས་དེ་ལྟར་ཆགས་པ་མིན་པར། དེ་ལས་་ལན་ཆགས་རྐྱང་རྐྱང་གི་དབང་གིས་ཡིན་ལ།
ལན་ཆག་ཟེར་ན་བུ་ལོན་རེད། ཚེ་རབས་ནས་ཚེ་རབས་ཏུ་སྲོག་གི་ལན་ཆགས་འཁོར་ཡོད་པ། རྒྱུའི་ལན་ཆགས་འཁོར་ཡོད་པ་ལྟ་བུ་ལ་སོགས་པའི་བུ་ལོན་མང་པོ་ཞིག་ཡོད་པས་རེད།
བུ་ལོན་དེ་དག་ཕར་མ་འཇལ་ན་འགྲོ་ས་མེད་པ་ནི་ཆོས་ཉིད་དུ་ཟད་པས། དེ་འདྲའི་ལན་ཆགས་དེ་ཚེ་འདི་ལ་བསད་དགོས་པས་ཕྲུ་གུར་འཁོར་གྱིན་ཡོད་པར་གསུངས།
དཔེར་ན་པདྨ་བཀའ་ཐང་ནང་དུ་ཆོས་རྒྱལ་ཁྲི་སྲོང་སྡེ་བཙན་གྱི་སྲས་མོ་ལྷ་ལྕམ་པདྨ་གསལ་ལུང་བསྟན་པའི་སྐབས་སུ།
ཚེ་སྔོན་མ་ཞིག་ལ་ལྷ་ལྕམ་སྦྲང་མ་ཞིག་གི་ལུས་བླངས་ཡོད་པ་དེ་རྒྱལ་པོའི་དབུ་ལ་བབས་ཚེ། རྒྱལ་པོས་ཕྱག་གིས་བྱབས་པས་སྦྲང་མ་དེ་ཤི་བའི་སྲོག་གི་ལན་ཆགས་ཡོད་པས།
རྒྱལ་པོའི་སྲས་མོར་སྐྱེས་པ་ཡིན་ཚུལ་སོགས་སློབ་དཔོན་གྱིས་གསུངས་ཡོད་པ་ལྟར་རེད།
དེ་ལྟ་བའི་རྒྱུ་དེ་རྣམ་པར་རྨིན་པའི་དུས་ལ་བབ་ཡོད་ན་ད་གཟོད་ཕྲུ་གུ་དང་ཕ་མ་ཆགས་ཚུལ་གསུངས་ཡོད་ཏེ།
བཤད་པའི་རྒྱུད་ལས། ལས་དང་ཉོན་མོངས་ཀྱིས་བསྐུལ་ནས། ། ཞེས་སོགས་གསུངས་ཡོད་པ་དེ་ཀ་རེད།
No comments:
Post a Comment